ओतूर विद्यालयात 'वंदे मातरम' गीताचा १५० वा वर्धापनदिन साजरा..
ओतूर ( दि.७ नोव्हेंबर २०२५) डांग सेवा मंडळ नाशिक संचलित माध्यमिक, उच्चमाध्यमिक व न्यू इंग्लिश मिडियम स्कुल ओतूर येथे स्व.बंकिंगचंद्र चटटोपाध्याय यांनी लिखित वंदे मातरम गीताच्या निर्मितीला १५० वर्ष पूर्ण झाल्याबद्दल वर्धापनदिन साजरा करण्यात आला. या कार्यक्रमाचे अध्यक्ष विद्यालयाच्या मुख्याध्यापिका श्रीम.जे.पी.पवार ह्या होत्या. कार्यक्रमाच्या सुरुवातीला भारतमाता व सी.व्ही.रमन यांच्या जयंतीनिमित्त प्रतिमा पूजन कार्यक्रमाच्या अध्यक्षा श्रीम.जे.पी.पवार,विद्यालयाच्या पर्यवेक्षिका सौ.व्ही.सी.आचार्य व सर्व विभागातील शिक्षक-शिक्षकेत्तर कर्मचारी यांच्या उपस्थितीत करण्यात आली.
त्यानंतर सांस्कृतिक विभाग प्रमुख श्री.एस.एस. कुलकर्णी यांनी वंदे मातरम गीताचे ऐतिहासिक महत्त्व सांगितले तर विद्यालयाच्या विज्ञान शिक्षिका श्रीम.एम.डी.पवार यांनी शास्त्रज्ञ सी.व्ही.रमन यांच्या जयंतीनिमित्त रमन इफेक्ट शोधा विषयी माहिती सांगितली. त्यानंतर कार्यक्रमाच्या अध्यक्षा व विद्यालयाच्या मुख्याध्यापिका श्रीम.जे.पी.पवार यांनी वंदे मातरम गीताचा इतिहास व देशप्रेम विषयी मार्गदर्शन केले.
त्यानंतर वंदे मातरम गीताचे सर्व कडव्यांचे सामूहिक गीत गायन घेण्यात आले व नंतर गावात विद्यार्थ्यांनी वंदे मातरम गीताचा जयघोष करत प्रभातफेरीचे आयोजन करण्यात आले.
